Мікалай Таранда
«Крыніцай натхнення для мяне заўсёды была прырода, родная беларуская зямля. На ёй я жыву і працую. Мае пейзажы даволі разнастайныя: узгоркі і раўніны, старажытныя храмы і вясковыя пабудовы, велічныя сілуэты дрэў і дарогі, што сыходзяць удалячынь... У сваіх карцінах я імкнуся захаваць непаўторную прыгажосць усяго гэтага. Бо жыццё і творчасць для мяне непадзельныя».
Мікалай
Таранда
«У наша разуменне жывапіснага майстэрства Мікалай Таранда прыносіць шмат новага. Прыроджаны жывапісец і каларыст, ён не баіцца браць пейзажныя матывы, да якіх ужо не раз звярталіся многія мастакі, і піша іх як ніхто іншы, адчуваючы непаўторнасць жыцця прыроды. Дзівоснай гульнёй пераліваў фабраў, суадносінамі светлаценяў ён дасягае музычнага гучання пейзажа».
Мікалай Апіёк
заслужаны дзеяч мастацтваў Рэспублікі Беларусь,
лаўрэат прэміі Прэзідэнта Рэспублікі Беларусь
у намінацыі «Выяўленчае мастацтва»
«Абараняючы ўласнае месца ў мазаіцы стылявых пошукаў, Мікалай Таранда сцвярджае свой рэалістычны погляд на паняцце „натурнага бачання“. Рэчыўнасць выявы, шчыльнасць фактуры, колеравая напружанасць — арсенал ягонай палітры. Яго жывапіс — не проста рытм каляровых плямаў на палатне, а ўнутраны вобраз, які нараджаецца падчас сеансу, непасрэднасць успрымання прыроды і захапленне яе прыгажосцю».
Георгій Паплаўскі, акадэмік
народны мастак Рэспублікі Беларусь